As nosas eirugas(que están na fase de larva) van medrando de día en día. As primeiras en sair do ovo, xa pasan do centímetro de lonxitude.
Cando notamos máis o cambio é os luns; despois da fin de semana, quedamos abraiados co seu crecemento.
Esta fase durará de 30 a 35 días e farán varias mudas de pel ata chegar aos 7-8 cm de lonxitude e os 12 aneis.
Por iso teñen que comer tanto!!
Para celebrar o día do libro, a biblioteca trasladouse ao patio.
Un recuncho quedou transformado nunha pequena biblio.
Agasalláronnos con fermosos marcadores tamén.
Na aula vimos o corto "Os fantásticos libros voadores" e fixemos os nosos mini-contos.
Están saíndo dos oviños ( este ano con retraso porque a tempetatura estivo moi fría) as primeiras eiruguiñas.
Xa remataron a 1ª fase de ovo(nela estiveron dende finais da pasada primavera ata esta).
Comezan a 2ª fase de Larva que durará de 30 a 35 días e farán varias mudas de pel ata chegar aos 7-8cm de lonxitude e os 12 aneis.
Empezamos alimentándoas con follas de leituga a primeira semana, pero agora xa comen folliñas de moreira.
Seguimos tendo problemas para atopar a moreira (grazas a Martín Miguel,un compañeiro de 3º, que ten unha na súa horta).
Este é o mural de primavera que fixemos en 1º ciclo.
Traballando en equipo os catro cursos, con moita imaxinación e gañas acabámolo a fume de carozo!
Pintamos, recortamos, fixemos coellos, paxaros, bolboretas, caracois, etc.
Gústanos como quedou!
As compañeiras do colexio, que pertencen ao grupo de teatro do Casino, representaron na sala de usos múltiples a obra Conto de Nadal de Charles Dickens.
Na súa versión,o tacañón Scrooge recibe a visita da pantasma do seu mellor amigo e dos tres espíritus do Nadal, que lle darán a oportunidade de salvarse.
Estivemos moi atentos porque nos gustou moito.
A nosa felicitación para todo o grupo!
En Ares temos a fortuna de ter, entre outras moitas cousas, un humidal magnífico que na primavera é visitado por moitas aves migratorias.
Onte, fomos dar un paseo por el, para observar a fauna e a flora.
No percorrido vimos nogueiras, salgueiros, figueiras,parras,....
En canto aos parrulos, vimos sobre todo machos, algunha femia e sobre doce parruliños , xa bastante medrados.
Uns nadaban e buscaban comida, outros voaban perseguíndose, outros camiñaban ,...
Procuramos facer pouco ruido para non molestalos.
É unha sorte ter este paseo tan preto do cole!
Todo Primeiro Ciclo participa no Proxecto Meteoescola que dirixe o profe Jorge de secundaria.
Cada mañá saímos a mirar a temperatura que marca o termómetro e a observar o ceo.
Os datos recollémolos nunha ficha modelo diaria e completámola con refráns, adiviñas,...
.jpg)
Celebrando os 150 anos de "Cantares" de Rosalía e o Día da poesía .
