Ambiente de Nadal.

Estes son algúns dos traballos de artística que fixemos este Nadal.

Nadal 2014 - foto montaje

E nesta montaxe podedes ver outros traballos de todo o cole.

Presentación de diapositivas: NADAL 2013 - Diapositivas

Sumando.

Con este xogo de dados facemos sumas rápidas. (Clicamos na palabra destacada).

Comeza decembro.

Con este mes chega o inverno e o Nadal; hai que cambiar a decoración do cole. Nesta montaxe recollemos algúns dos traballos de artística do outono.

artística outono 2013 - presentacion imagenes

Aprendemos a describir.

Divertido xogo para mellorar as descricións. (Clicade na palabra destacada.)

A nena e o grilo nun barquiño.

Este espectáculo músico-teatral ensina toda maxia en vivo do libro-CD do mesmo título. Os dous protagonistas viven un montón de aventuras na súa viaxe de trotamundos . As cancións de Magín Blanco, tocadas e cantadas co seu grupo, e a interpretación de Os Ghazafelhos fixéronnos vibrar durante todo o musical: cantamos, bailamos, acompañamos con palmas,soñamos... Foi un medio máis de valorar a expresión a través das artes: música, teatro, narrativa, poesía,...

A nena e o grilo nun barquiño. - foto montaje

Mahán e a cadeira vermella.

Onte, compañeiros de 3º da ESO contáronnos o conto de Mahán e a cadeira vermella. Convidáronnos a reflexionar con eles sobre os Dereitos dos nenos . Mahán é un deses 61 millóns de nen@s do mundo que non teñen dereito á Educación Primaria Universal. Son nenos que só van uns poucos días á escola porque teñen que traballar. Despois do conto, sentados nas cadeiras, vermella que representaba aos nenos que están privados deste dereito e a verde que nos representa a nós, opinamos sobre o que poderían pensar os nenos que pertencen a estes dous mundos . Agasalláronnos con pegatinas e unha cadeiriña vermella para a aula que nos lembrará sempre a estes millóns de rapaces que non teñen a mesma sorte ca nós. Moitas grazas aos compañeiros de 3º da ESO e á profe Yoli!!

Presentación de diapositivas: Mahán 2º EP - Diapositivas

Presentación de diapositivas: Mahan e a cadeira vermella - Diapositivas

Vaia banda!

Este venres, todos os cursos de Primaria, fomos a un concerto en A Coruña. No centro Ágora o grupo de percusión Odaiko e a Banda Municipal entusiasmáronnos co seu espectáculo didáctico "Vaia banda!" Sorprendéronnos cun concerto vivo, participativo,... que nos fixo vibrar ata o final!

Presentación de diapositivas: ODAIKO+BANDA - Diapositivas

Magosto 2013.

Outro outono máis celebramos o magosto no cole.

As aventuras de Quebranoces.

Hoxe a Asociación Musical Musicreques estivo no cole representando , para infantil e primaria, As aventuras de Quebranoces. Con Clara e Quebranoces fixemos unha marabillosa viaxe musical. Gustounos moitísimo!!

Musicreques - diapositivas

Samaín 2013.

Festexamos o Samaín. Trouxemos fermosas cabazas talladas da casa, fixemos pantasmas, cabazas de papel, murais, debuxos, aprendimos cancións,...

Cabaciñas de papel.

Preparando o Samaín fixemos estas cabazas de papel. Na peli vemos todo o traballo. Somos artistas! E por se queredes ver o conto ou cantar a canción da cabaciña ...

O carballiño.

Para a porta da nosa aula preparamos este carballiño. Ten moitas follas (aínda non lle caeron) e cogomelos no pé. Nesta peli está recollido todo o proceso de creación.. SOMOS ARTISTAS!!

Expo-Meteoro.

Visitamos en secundaria a exposición Expo-Meteoro guiados polo profe Jorge, que nos deu unhas magníficas explicacións dos paneis: a importancia do Sol para a vida, borrascas e anticiclóns, fenómenos extremos, etc. Moitas grazas!!

Expo-meteoro - diapositivas

Galiñas e outros animais.

Nesta montaxe podedes ver outros animais que fixemos en artística. Xornais, revistas e pouco máis.

galiñas e máis animais. - diapositivas

O PIOLLO E A PULGA

En xuño pasado fixemos a gravación do recitado do romance anónimo "O piollo e a pulga". Aquí está o resultado... Esperamos que vos guste.



Grazas á profe Pacucha por prepararnos esta peli!

Aparato dixestivo.

Paseo de outono.

Aproveitando o bo tempo, demos un pequeno paseo pola zona de Loureiros, para observar a natureza en outono. Fixámonos nas árbores (froiteiras, de folla caduca, perenne,...), nos froitos, cogomelos, herbas aromáticas, plantas de millo, etc. Tamén recollimos landras, castañas, ourizos, follas, etc. Gustounos moito o paseíño!!

Ras, gatos e xirafas.

Sempre facemos animais. Poden ser os protagonistas dos contos, dun poema,unha adiviña.... con variadas técnicas: collage, silueta dos nosos pés,...

Para cantar e bailar.

Premio Meteoescolas.

Esta mañá, no Casino, fixéronnos entrega do II Premio de Meteoescolas (correspondente ao pasado curso). Ademais dun premio para o cole, entregáronnos un diploma a cada curso, e un pequeno agasallo para cada alumn@.

1. Premio Meteoescolas. - diapositivas

A respiración.

VII Manuel Rebón de pintura.

Esta semana todo o alumnado de 1º Ciclo fomos ao CIRS de Cervás para disfrutar da exposición do VII Concurso Manuel Rebón de pintura. O concelleiro de cultura deunos a benvida e fixo unha pequena presentación. Había máis de 40 cadros de pintores de toda Galicia, de diversas técnicas, estilos, etc. Nós tamén fixemos de xurado e falamos dos que máis nos gustaban.

VII Manuel Rebón de pintura. - diapositivas

Manuel Rebón - presentacion imagenes

Orellas de bolboreta.

Outras linguas.

Falamos das linguas doutros países, das que estamos aprendendo,etc. Aquí tedes unha famosa canción para aprender partes do corpo en Inglés. Estoutra en Portugués.

O esqueleto.

Adiviña.

Que é?

Que é?

Dáche na cara e non o ves.

 

 

 

Solución anterior: os raios de sol.

Lemos teatro.

Preparándonos para facer unha pequena dramatización do conto das xirafas.

Adiviña .

¿ Qué cosa es cosa

que entra en el agua

y no se moja?

 

 

( solución mañá)

O noso corpo.

Aquí tedes dous xogos para aprender e disfrutar; clicade nos seus nomes.

Ósos e músculos.

Partes do corpo.

Benvidos ao curso 2013-2014.

Mañá empezamos o novo curso. Feliz volta a tod@s.

Abecedario para colorear

Abecedario para colorear

Feliz verán!

Que disfrutedes dunhas estupendas e ben merecidas vacacións!

Fin de curso 2013.

O venres despedimos o curso. Primeiro vimos a película "La maldición de las brujas" , logo xogamos, pintamos e despois do recreo preparamos a festa. Ao final baixaron os maiores, de 2º e 3º ciclo, ao noso corredor e tras deles tamén foi todo 1º ciclo. Felices vacacións para todos!!

Química e tecnoloxía cos maiores.

Os profes de secundaria Jorge e Dani, xunto con algúns alumnos, preparáronnnos unha visita para compartir con eles experimentos de química e un montón de cousas de tecnoloxía: Unha "guerra entre ácidos e bases", a dureza da auga da Xunqueira, circuitos eléctricos, maquetas, ferramentas, a resistencia dunhas pontes feitas con pauiños,... Foi unha pasada!! Moitas GRAZAS aos profes e aos seus alumnos. ENCANTOUNOS!

Xa temos bolboretas!

Ao saír da crisálida a bolboreta rompe o casulo cunha secreción aceda capar de destruir a seda. No tempo que vivirá(de 3 a 15 días) non se alimentará e só buscará parella. As femias expulsarán un líquido de cor entre laranxa e marrón. Na cópula intercambiarán material xenético e despois o macho buscará outra parella. A femia adicaráse á posta, na que pegará os ovos cun potente adhesivo e despois morrerán. A vida de adulto dura moi pouco. Destes ovos , na próxima primavera , sairán outras eiruguiñas e volta a empezar!!

Hai un amigo en mí.

Este é o título da obra de teatro producida polos compañeiros de 2º xunto coas profes Meli e Lara. Fixérono todo: escribiron a obra, prepararon decorados,... Gustounos tanto que non parábamos de dicir: " Outra, outra". Noraboa a toda a compañía!!

Pinocho.

Onte vimos na biblioteca a película de Disney de 1940 " Pinocho". É unha reliquia, pero gustounos moito. Estivemos super atentos!

Antón Cortizas no noso cole!

Despois de que os compañeiros de 5º nos contaran o conto, de lelo na clase e de debuxar a Rosalía e facer con collage aos seus amigos, só quedaba coñecer ao autor. E, por fin, antonte estivo no noso cole o escritor Antón Cortizas. Con 1º ciclo decidiu facernos preguntas sobre o "Lapis de Rosalía", que tanto nos gusta, e contarnos algún segredo sobre Rosalía. O tempo que pasamos con el foi estupendo. Quedamos convidados a ler libros de Antón!