Máis casulos.

Mirade cantos hai xa ! Todas as mañás, ao chegar, o primeiro que facemos é mirar as novidades nas caixas das eirugas.

O lapis de Rosalía.

Este martes, os compañeiros de 5º coa profe Marina, contáronnos o conto "O lapis de Rosalia" de Antón cortizas. Coñecimos a Rosalía e o seu fabuloso lapis especial para nenas de 6 anos. Fixérono tan ben que os animamos a repetir a experiencia.

Maxia outra vez.

Onte fomos ao casino a ver ao Mago Muro. Xa o viramos ao comezo de curso, pero os seus trucos sempre nos deixan pensando en como os fai. Uns din dunha maneira, outros doutra e así quedamos...

Contando historias.

Aquí tedes dúas estupendas montaxes realizadas polas profes Pacucha e Conchi con alumnado do noso ciclo. Que ben quedaron!

Primeiro casulo.

Empezamos a 3ª fase, crisálida ou pupa. Despois das 4 mudas na anterior fase de eiruga, de acadar os 7-8cm de lonxitude, empezan a fabricar o casulo da fase de pupa. Os casulos poden ser de diversas cores, pero teñen a mesma forma. Empregan o almidón das follas da moreira, transformado en dextrina polo seu metabolismo, para producir o fío de seda. Xirando sobre si mesmo, fabrica arredor do seu corpo, un casulo oval formado por un único fío de seda de ata 1.500m de lonxitude. o proceso levarálle de 2 a 3 días. Na fase de pupa estará arredor duns 20 días.

Parque Educación Viaria- Museo do Humor.

O mércores pasado os dou primeiros fomos de visita ao Museo do Humor e ao Parque de Educación Viaria, do Concello de Fene. Os compañeiros de 2º, tiveron que deixalo para máis adiante por culpa do mal tempo. Foi unha saída estupenda, na que aprendimos un montón de cousas e ademáis pasámolo moi ben.( Ao subir ao autobús, de volta, algún dicía de volver pola tarde...)

De verso en verso.

Aquí tedes a estupenda montaxe, que fixo a profe Yolanda, cos poemas preparados por todos os cursos para homenaxear a Vidal Bolaño. Noraboa a tod@s!!

Letras galegas 2013.

Para homenaxear a Roberto Vidal Bolaño, todo o colexio fixo unha escolma de poemas que ilustramos con variadas técnicas. Expuxémolos nas portas das aulas. Quedou unha mostra ben fermosa! Estes son os do 1º ciclo:

As tartarugas de Infantil.

Hoxe en 1º ciclo recibimos a visita de Carmen, Tirita e Mosquetero, as tres tartarugas de infantil. Estiveron un rato en cada aula para que as coñecésemos e contáronnos anécdotas das tres: do que poden facer co seu pico, do boas corredoras que son, do que lles gusta comer... Gustáronnos moito!