Xogos para o verán.

Neste enlace tedes un montón de xogos para disfrutar no verán.
 Felices vacacións!

Despedida de ciclo.

Nós - Movie Maker

Os compañeiros de segundo e as súas titoras deséxanvos unhas boísimas vacacións de verán e despídense porque agora xa son de 3º.
 Con esta montaxe recordamos algúns dos mellores momentos que disfrutamos xuntos .
Grazas a todo o profesorado e coidadora que nos acompañou nestes dous cursos.
Unha forte aperta do oso para todos.
Foi estupendo!!

Premios e diplomas.

 Este venres, no pavillón, recibimos o 1º Premio do Programa Meteoescolas.
Todos os cursos participantes, dende infantil ata ESO temos un Diploma acreditativo para as nosas aulas.

Tamén recibimos os diplomas pola participación no Certame de Arte Postal.

Premios - Movie Maker

Camiñata de primavera.

Camiñata - Movie Maker

Hoxe fixemos unha boa camiñata.
 Subimos ata a igrexa de Santa Olalla de Lubre para ver unha das construccións máis antigas do concello.

Xa aparece na relación de igrexas que mandou facer o rei Afonso II no ano 830 e tamén se cita na Historia Compostelana do s.XII.
Fixámonos na torre, no ábside, nos muros e contrafortes, nos arcos, bóveda, ventás,...
Coincidimos cunha excursión de persoas maiores e poidemos ver o interior.
Merendamos alí, aproveitando a sombra.
 Seguimos o paseo por Lubre observando a flora e  as paisaxes; collimos o camiño da costa para poder ver as illas Mirandas.
 Ía bastante calor, pero corría unha airexa fresquiña .
 Dende alí xa fomos ata o Porto e volta á escola.

 Fomos uns campións e ninguén se queixou, aínda que falabamos dos moitos kilómetros percorridos!

 Mirade esta montaxe da profe Yoli sobre a igrexa.

 

Premios do Concurso de Portadas.

Hoxe foi a entrega de premios e diplomas do Concurso de Portadas.
 Noraboa a todo o alumnado participante!

Premios Concurso de Portadas - Movie Maker

1º premio Meteoescolas.

O noso cole gañador do 1º premio do proxecto meteoescolas do presente curso.
 O pasado curso conseguimos o 2º premio, e agora superámonos!

Parabéns para todos os cursos e mestr@s implicados e para o profe Jorge, coordinador do proxecto.
 E a seguir disfrutando do proxecto!

Aquí tedes un resumo do traballo do noso ciclo.

Meteoescolas - Movie Maker

Teatro.

A súa vida - Movie Maker

Onte no Casino vimos a obra "A súa vida" do grupo Leda Teatro. A parella de actores representou a vida de dous nenos que nacen o mesmo día e que ao ir medrando van atopándose na escola, na pandilla, no amor,... Rímonos moito!

Viraventos e foguetes.

Despois do obradoiro de Ciencia en ruta, quedamos tan entusiasmados que quixemos facer cadanseu foguete e puxémonos a elo.
 Tamén fixemos, coa axuda dos pais ou avós, uns viraventos moi chulos.

 Na presentación pódese ver como quedaron.

Foguetes e viraventos. - Movie Maker

As bolboretas.

Xa saíron as primeiras bolboretas e xa temos os primeiros ovos.
 Como foi un ano tan raro, no que foron saíndo tan espaciadamente dos oviños, agora mesmo estas bolboretas conviven con eirugas e con pupas.
Nas caixas temos de todo!

 Buscamos en Internet información para ver a transformación dos casulos en seda. Aquí tedes un vídeo:

 

Pleno no Concurso de portadas.

O 1º ciclo de primaria obtivo un pleno no "Concurso de portadas en galego".
Aquí tedes a relación de premios:
 
     Categoría 1º Ciclo de primaria:
                                       Marcos Pérez 2ºA
                                       Nerea Salido 2ºA
                                       Jairo García 2ºA

     Categoría portada en grupo:
                                      Finalistas: 1ºA, 1ºB, 2ºB
         

                 Noraboa a tod@s! (ás profes tamén).

Certame de arte postal.

Visitamos a exposición do Certame de Arte postal "Hai un artista en ti".
Vimos obras de todo o mundo xunto  a unha ampla participación do noso colexio (alumnado e profesorado).
Gustounos moitísimo a mostra e tamén participar nela.
Parabéns ás profes Meli e Lara polo seu estupendo traballo de organización!



Tamén aproveitamos para ver a exposición do "Concurso de portadas en galego",que está exposta nas escaleiras do edificio de  primaria.
Temos o cole cheo de ARTE!
Somos artistas.

Ciencia en ruta.

Onte, todo primeiro ciclo, participou nun obradoiro de foguetes de auga.
Os monitores de Ciencia en Ruta convertiron o noso cole na Axencia Espacial Conde de Fenosa de Ares. Despois dunha introducción teórica na que falamos do espacio, da Física e algunhas das súas leis, de Isaac Newton,... fixemos equipos, eleximos portavoces e empezamos a construir os nosos foguetes con botelllas de plástico, cartón, cartolina e pouco máis.

 Logo dun intenso traballo en equipo, os foguetes estiveron listos e preparados para o lanzamento.
 Foi IMPRESIONANTE!!!
Que velocidade e altura acadaron!
 Foi un obradoiro xenial. Encantounos.

Ciencia en ruta. - Movie Maker

Meteoescolas.

Aquí tedes a montaxe que preparou o profe Jorge, co traballo do noso ciclo, para a memoria do proxecto Meteoescolas deste curso.
 Fantástica!!

Letras Galegas- Díaz Castro.

Esmeralda. - Movie Maker

Co poema "Esmeralda" de Díaz Castro fixemos o mural de 1º ciclo.

 Herba pequerrechiña
 que con medo sorrís
 ao Sol que vai nacendo
 e morrendo en ti.
 Por que de ser pequena
 te avergonzas ti?
 O universo sería
 máis pequeno sen ti! 
O traballo en equipo sempre dá bos resultados, e quedounos un mural fabuloso!

 Aprendimos tamén e cantamos a canción "Esa lus" que nos encanta.

Cantas cousas fixemos para celebrar as nosas Letras!!

 

Remuíño de Díaz Castro.

Estes días na nosa aula encontráronse dous artistas: Díaz Castro e Matisse.
 Pensamos se sería posible xuntalos.
 Decidimos que sí; coma dicía Díaz Castro a beleza acaba ferindo aos artistas.
Arredor do poema "Remuíño" xiran as meigas inspiradas nos retratos de Matisse.

 Ti, cabelos de ouro e de aire,
 nena, en que ceo te vin?
Chuchoume unha meiga os ollos,
 ti xa non es metá de ti.

Feridos pola beleza. - Movie Maker

Exposición do traxe:

Exposición do traxe. - Movie Maker

Hoxe visitamos a estupenda exposición do traxe da biblioteca.
 Lemos os letreiriños, fixámonos nas prendas e demais obxectos,etc.
Tamén fixemos mariquiñas e escribimos os nomes das prendas.

 Onte, o recreo foi unha festa con gaita, zanfoña, pandeiro,... música e baile!
 Moitas grazas a tod@s os que fixeron posible isto!

Concurso de portadas en galego.

Portadas en galego - Movie Maker

A biblioteca do cole  xunto co Equipo de Dinamización Lingüística organizou un concurso de portadas de libros en galego. Están expostas nas escaleiras de entrada . Houbo moita participación e traballos ben bonitos. Noraboa a tod@s os participantes!!

Primeiros casulos.

As eirugas xa empezan a fabricar os casulos. De momento só unhas poucas, porque a maioría aínda son pequenas. Na fase larva están arredor de 30 días. Farán varias mudas ao ir medrando. Pasado o mes, e cunha lonxitude de 7-8cm. buscan un lugar tranquilo e empezan a construir o casulo. Durante 3 días irán dando voltas para envolverse nun único fío de seda de aproximadamente 1.500m. Rematado o casulo empeza a fase de pupa.

Eirugas 2. - Movie Maker

A profe Pacucha trouxo aos compañeiros de infantil a ver as eiruguiñas porque están traballando o conto "The very hungry caterpillar".

Xábrega en 1º ciclo.

Xábrega - Movie Maker

Hoxe estiveron con nós varios membros da escola de música da Asociación Cultural Xábrega, entre eles compañeir@s do cole. Presentáronnos os seus instrumentos e interpretaron diversas pezas. Encantounos compartir ese tempo con eles. Son uns artistas!!

O país dos mandóns.

Presentación de diapositivas: O PA�S DOS MAND�NS. GAZAFELLOS - Diapositivas

Onte no Casino, o grupo Os Ghazafelhos representou, para toda Primaria, "O país dos mandóns". Esta obra, inspirada no libro do mesmo título das escritoras Paloma Rodríguez e Cristina Justo,fala da igualdade e do reparto das tarefas. Disfrutamos un montón con estes artistas!!

Meteoescolas.

Refraneiro dos meses. - Movie Maker

Fixemos esta pequena escolma de refráns meteorolóxicos, aproveitando os que imos copiando diariamente no traballo que facemos para Meteoescolas.

Para mamá.

Para mamá! - Movie Maker

Hai un artista en ti

Os nenos e nenas de 2ºB participamos no certame de "HAI UN ARTISTA EN TI". O noso traballo consistiu na reproducción do Globo de Betanzos para que, unha vez no aire O ARTE poida chegar a todo o mundo. Na súa elaboración empregamos materiais reciclables: caixa de cartón, gorro de baño, papel de embalaxe, cartón, la... Para participar no certame os traballos tiñan que ser enviados a través de correos, cuñados e selados. Nós fomos ata a Oficina de Correos de Ares e alí, a empregada pesouno e púxolle o selo para poder remitilo ao seu destinatario. ESPERAMOS QUE VOS GUSTE!!!

As lectoras do Día do Libro

Con motivo do Día do Libro as nenas Carmen e Paula de 6ªB, léronnos o conto de "A merla e o raposo".Mandáronnos facer un debuxo sobre o que máis nos gustou do libro. Para premiarnos trouxéronnos un regalo a cada neno e nena de 2ºB por participar. Gustáronnos moito!

Unha manchea de bicos.

Este é o título do fermoso conto que nos leron dúas compañeiras de 6º. Agasalláronnos tamén cunha ilustración da portada. En agradecemento, polo seu agasallo e lectura, démoslles unha manchea de bicos! Moitas grazas compañeiras.

Unha manchea de bicos. - Movie Maker

Día do libro 2014.

Día do libro 2014 - Movie Maker

Un libro para nós é moitas cousas!! Todas marabillosas!! Con estes pareados explicámolo.

Primavera-2014

Primavera -2014 - Movie Maker

Para a decoración da porta inspirámonos nos recortables de Matisse. Primeiro practicamos con revista vellas, e logo xa fixemos os recortables con papel charón. Tamén traballamos a obra "A primavera" de Arcimboldo.